هل الوفاء موجود حاليا ؟
للاسف حاليا لا يوجد وفاء بين البشر ولا في حاجة في الزمن ده اسمها وفاء بين البشر بقي الوفاء والصدق والاخلاص شعارات وعملة نادرة في زمن مات فيه الوفاء والصدق والاخلاص
الناس بقت بتعرف بعض فقط للمصالح والمنافع الشخصية
مع اني معرفة الناس كنوز والمفروض الناس تكون جنب بعضها في الشدة زي زمان
أيام زمان دي كانت ايام جميلة فعلا كان فيها ممكن رجعية مش زي دلوقتي في تحضر احنا بالفعل عايشين فيه بس للاسف يمكن زمان الناس كانت مع بعضها وقت الشدة وفي الضيقة من غير اي اغراض أو مصالح او منافع شخصية
اما حاليا حاجة قصاد حاجة وراك منفعة او مصلحة الناس جنبك
لو ما فيش من وراك مصلحة او منفعة ما لكش اي لازمة
الوفاء حاليا بقي موجود للاسف في الحيوانات فقط !!!!!!!!!!!
يمكن لو ربيت كلب في بيتك وأكلته وشربته وحنيت عليه بيتمر فيه عن البني ادم ولو جرالك اي حاجة بتلاقي الكلب ده جنبك وهيموت نفسه علشانك وهو اسمه كلب مش البني ادم اللي ربنا كرمه
خسارة بشر من غير قلب
خسارة حياة من غير حياة
خسارة دنيا ما بقاش فيها صداقة
خسارة دنيا ما بقاش فيها وفاء
خسارة دنيا ما بقاش فيها صدق
يا خسارة علي البشر اللي مش بشر
ياريت ترجع حياتنا زي زمان فيها الحب والصدق والرحمة والمودة بين البشر
فيها الحب الصادق
فيها الجار اللي بيسأل علي جاره زي ما النبي عليه الصلاة والسلام وصي علي سابع جار
فيها الجارة اللي بتعمل أكلة حلوة وتدخل منها لجارتها
فيها الصحبة واللمة الحلوة
نصيحة لكل شخص أتعامل بصدق وبوفاء العمل الطيب بس هو الباقي راعي ربنا في كل شئ ازرع خير هتلاقي الخير تحياتي لكل القلوب اللي قلبها علي بعضها تحياتي للقلوب النقية الطيبة
0 التعليقات :
إرسال تعليق