مش عارف
وساعات بحس إنى خايف
ويقتلني شعور بالقلق والخوف
وسبب خوفي مش معروف
بقيت قلقان
بئن وصوتي مش مسموع
ومش قادر على الكتمان
وقلبي النبض فيه موجوع
مخنوق ويصرخ من البركان
مسجونه آهاته بين الضلوع
والخوف واقف عليه سجان
فيه كل نبضه بتنفجر
والروح في الجسم بتتعصر
من أنين الألم والخوف
مخنوق لساني بالكلام
ومش عارف هو ليه مكتوف
وسكوته مخنوق من اللجام
ولا اتبعثرت فيه الحروف
وكل جملة ف الكلام ليها مقام
مش مرهونه للظروف
وبقيت أخاف من الأنغام
بتتعزف ع جيتار الخوف
وقلمي الوحيد من الأقلام
اللي تاهت منه الحروف
تعبانة حروفه من الألم
والسطر اللي يكتبه محذوف
وعايش زمانه في الأوهام
في أرض من الأنين والخوف
0 التعليقات :
إرسال تعليق