مطلعش قلبك من ضلوعك و اشتكي ؟
مميلش علي الرئتين وبكي
احكيلي عن ايامك
عن احزانك اللي فيها
- متقلقش أنا لسه بخير
*احكيلي عن سهرك بليل
حبيت الليل ف سكن جفونك؟
قولي ازاي حبيت صاحب وقدر يخونك
احكيلي عن تفكيرك
وواجهت ازاي صاحب مقدرش يصونك
- متخافش أنا لسه بخير
*احكيلك ازاي كنت غير
وعرفت تخبي دموعك في ابتسامه
قولي ازاي عرفت تكمل ..
قولي ازاي قدرت تتعلم من كل اللي مر
احكيلي ازاي دوقت المر ولا جزعتش؟
-اطمن انا لسه بخير
*وازاي كنت بخير ؟
عملني زيك اكون اقوي
قولي ازاي اخدلي الصعاب سبيل واستقوي
واحكيلي ازاي بتحول طريق الوجع للضحكه الصافيه
وازاي كسرت قلبك وخزلانك مكنش ل استلامك اسباب كافيه
-أنا بخير ولو مكنتش ف هكون
وأنا مديون للاحزان اللي علمتني طريقه الفرحه
هتلف الايام وتجيلي
احكيلك عن لمعه عيني
هتلف الأيام وتجيني أحكيلك
وهكون يومها بخير
#merna_eshak
0 التعليقات :
إرسال تعليق