دكتوره/اميرة مجدي تكتب /لو تعرفوني"

 بقلم د.اميرة مجدي
كل واحد فينا بيقف قدام المرايه ويقول لنفسه أنا ليه بيحصل معايا كده ؟! ليه فلان بيعاملني كده؟ ليه اصحابي بيغدروا بيا ليه؟ ليه الناس مش بتعاملني زي ما بعاملهم؟ ليه نيتي دائما طيبة والناس حواليا نيتهم ليا غير كده ؟ليه بتعشم في الناس بسرعة واقربهم مني وهما مش بيبادلوني نفس الاحساس؟.
ونفضل ندور في دائرة كبيرة من الأسئلة ، وبعدها ممكن ندخل في اكتئاب. طيب مابدل ليه بيحصل معايا كده وده السؤال اللي الكل بيسأل نفسه بيه هو لما كلنا نسأل نفسنا نفس السؤال يا تري بقي مين الطيب والضحية ومين الجاني اللي بيغدر؟
الحقيقة ابسط من كدة بكتير وهو أن كل واحد فينا مر بتجربة علمت فيه وسابت أثر كبير ، فقرر ياخد حقه بنفس الطريقة وبكده بقينا كلنا جاني ومجني عليه.
لو كل واحد فينا قرر يدي فرصة لغيره لأن مش كل الناس زي بعضها في ناس طبعها الطيبة والمسامحه وناس جواها شر وحقد وغيره علي كل اللي حواليها ، طيب ما تيجي ندي للناس دي دروس في الحب وتمني الخير للغير يمكن نقدر نغيرهم، ولو مقدرناش نبعد عنهم و منعاقبش غيرهم لأننا مش كلنا زي بعض ،احنا علي الأرض مش في الجنة، قرب ولكن بحساب اتعشم وبرضه بحساب وده مش معناه القلق والخوف في اي علاقه احنا بنجنب نفسنا من اي الم ممكن نحسه عامل الناس معامله واحده وندي فرصة لبعض ننشر الحب والخير علي الأرض بدل ما نعاقب بعض ونرجع نقف قدام المرايه وكل واحد يقول لنفسه:لو تعرفوني أنا شخص طيب بس الزمن والظروف هما اللي غيروني ، خلي كل اللي يشوفك ويعرفك يتمني يبقي قريب منك، واوعا تتأثر بكلام الناس اللي قلوبهم سوداء اللي بينشروا الكره والحقد و الغيرة علي الأرض علشان كل الناس تبقي زيهم . حب نفسك واتمني الخير لغيرك هتلاقي الناس بتحبك و تتمني الخير ليك . معادلة صعبة بس سهل تحقيقها ..

شاركه

عن احمدعبدالكريم

عالم العلم والمعرفة