أهلا رمضان

بقلم إيفيلين موريس

عام وراه عام

وسنين وراها سنين

وف كل عام بنستني الشهر الكريم..

رمضان ياكريم

ياحامل الخير وفايض علي الناس الطيبين..

أهلا بيك

نورت قلوب كل محبيك

واسمك علي كل مائده بمحبتك بتشيد..

كل البيوت عارفاك

بالفرح بتستناك

بفانوس ينورها

وزينة في الشوارع بتحكي عنك وتفرحنا..

الكل معاك سهران

والصحبه الحلوة تخليك فرحان..

وانت بالحب طالل علي الكل

من غير تمييز

وخيرك علي الكل...

يالا تعالي السنه ديه

بأيد الحب السخيه

وفيض في كل قلب محبه وسلام وحنيه..

وحد بالمحبه بلادي

واملي وطني وبيوت أخواتي

إيمان وسلام وخير يملي الأيادي ..

سلام بقي ياغالي

مستنياك من الليله ولمدة شهر آتي..

علشان أهنئ كل حبايبي وخلاني

بحلولك علينا وعلي مصر بلدك و بلادي..

كل عام وانتم بخير ومصر والعالم العربي بالف خير وسلام

عالم العلم والمعرفة

disqus