بقلم/#هناء_زغلول
اول ما الست تطلب الطلاق وتصمم علي قرارها يبتدي الزوج يتفنن إزاي يأذيها ويكسر نفسها علي الجريمه اللي عملتها وأنها اتجرأت واخدت قرار ربنا حلله....
الزوج بيتحول من أب لعدو بينتقم من أولاده في شخص الزوجه المتمردة.......
الاولاد بتدفع تمن حريه الأم و بيتحملوا ظلم وصراعات فوق طاقتهم....
في الوقت دا الأم بتكون بين اختيارين إما ان تتنازل عن كل حقوقها لتنجوا بنفسها...... إما أن تدخل في دوامه المحاكم والقضايا
في الحالتين الزوجه بتدفع تمن قرار اخدته وهو من حقها شرعا وقانونا .... المجتمع واهلها بيشوفوا إنها خربت بيتها
والزوج ببشوفها زوجه غداره والكل بيظلمها وبتكون تحت ضغط عصبي ونفسي بيأثر عليها وعلي طريقه معاملاتها مع اولادها ... مابتقدرش تداري ضعفها وقله حيلتها وفي الوقت دا بتحس انها هي اللي محتاجه حمايه ولادها والاولاد بيشيلوا هم أكبر من سنهم ...
قصه بتتكرر كل يوم بشكل وطريقه مختلفه
بصرف النظر عن مين الظالم ومين المظلوم في أولاد بيضيعوا مابينهم والام بعد الطلاق بتكون غير مهيئه نفسيا للتعامل مع المجتمع بتحس انها بتبدأ حياه جديده غريبه عنها ..... وممكن تاخد فتره لحد ما تفوق من الصدمه كل الاحداث دي بتأثر علي الحاله النفسيه للاولاد وبيكونوا ضحيه مجتمع مابيرحمش وبدل ما الاهل يساعدوا الأم والاولاد انهم يعدوا الازمه بالعكس بيكونوا هما القاضي والجلاد عليهم و دايما نظراتهم بتكون كلها لوم وعتاب علي الام وبيسيبوها تواجهه كل مشاكلها لوحدها كنوع من العقاب علي انها فكرت تعيش بالطريقه اللي تريحها هي مش تريح الناس
0 التعليقات :
إرسال تعليق