مواطنة درجة تانية "..بقلم الكاتبة/دنيا نصر

 

" مواطنة درجة تانية "..

كثير من السيدات المنفصلات يعيشن حالة خجل من المجتمع بسبب كلمة " منفصلة " والتى يعتبرها البعض وصمة عار فى تاريخ تلك المرأة التى عاشت طيلة حياتها تعانى من مجتمع مريض فكريا ونفسيا واجتماعيا ..

الست المنفصلة تحمل على عاتقها الكثير من المسئوليات والهموم التى اخترقت أبوابها فجأة دون دق الجرس ،،

لا يجب محاسبتها وكأنها ارتكبت جريمة لمجرد أنها رفضت حياة من الممكن أن تدمرها من جميع الجوانب .. 

الناس ، الناس ، الناس ..  دي ما اتجوزتش أصلا ، تبقي معقدة ، اتجوزت و اتطلقت بسرعة ، تبقي معيوبة 

، اتجوزت واتطلقت بعد ٢٠ سنة معاناة ، خربت بيتها 

، اتطلقت و رافضة تتجوز تاني ، تبقي مقضياها 

، اتطلقت و هتتجوز تاني ، تبقي مزواجة 

، اتجوزت راجل اكبر منها ب١٥ سنة ، تبقي طمعانة في فلوسه  ، اتجوزت راجل أصغر منها ، تبقي متصابية 

، اتجوزت تاني ونفسها تخلف ، تبقي عايزة تربطه 

، اتجوزت تاني بس مش عايزة تخلف ، تبقي ناوية تخلع

، اتجوزت واحد غني ، تبقي هتقلبه في قرشين 

، اتجوزت واحد فقير ، تبقي بتصرف عليه 

، عندها بنات واتجوزت ، عيب تدخل راجل غريب علي بناتها  ، عندها ولد واتجوزت ، ازاي ابنها يستحمل ان امه مع رجل غير ابوه  ، اتجوزت في شقتها ، تبقي واقعة 

، اتجوزت في شقته ، تبقي راسمة عالشقة 

، اتجوزت في فرح كبير ، عيب علي سنها 

، اتجوزت من غير فرح ، تبقي عاملة عملة وخايفة 

، هتموت من الوحدة ، عشان بعيدة عن ربنا 

، بتفكر في الانتحار ، عاشت خاينة و ماتت كافرة 

، ملهاش دعوة بحد وفي حالها ، تبقي مريضة نفسيا 

، عشرية وبتحب الناس ، تبقي حشرية و عينها وحشة 

، بتخرج مع صاحباتها المتجوزين ، تبقي عايز تلطش اجوازهم  ، بتخاف تخرج مع صاحباتها المتجوزين ، تبقي نفسيتها جحيم ومش طايقة تشوفهم سعداء ..

المنفصلة امرأة مثل غيرها لها حقوقها كمواطنة عادية ، فهى ليست " مواطنة درجة تانية " ، وكفى ..

شاركه

عن احمدعبدالكريم

عالم العلم والمعرفة