*الناس الحلوه*

 

بقلم/د. هدي بسيوني 

استاذة القانون الدولي 

بين العناد والاعتذار.. لحظه...مسافه..قد تكون متباعده احيانا ومتقاربه احيانا..صراع العقل والقلب..من يبدأ الإعتذار تلك المنزله هى الحب

فهناك من يعتذر لك حتى عن زله ارتكبها دون قصد.. وهناك من يعتذر لك عن خطأ لم يقترفه

عمداََ او قصداََ...لالشئ سوى إنه يفتقدك ويحبك

فهناك كلمات بسيطه على العقل والقلب حلوة  على اللسان وهي كلمة ما بزعلش منك 

بس الأحلى مايهونش عليا زعلك.!! 

دافئه تلك العلاقات الرايحة جايه.. التي يلتقي أصحابها بعد سنوات وكأنهم افترقوا بالأمس ولايتحدثون عن أحزان وأسباب الفراق 

تلك الأيام الهادئه اللي ب يتعاملوا بكل حب وجدعنة..بيخافوا على بعض.. ومايهونش عليهم زعل بعض .بيراضوا بعض...بيطبطبوا علي بعض.

بيطمنوا بعض...بيسندوا ويتسندوا على بعض. وقت الشده ووقت الحزن..تلاقيهم في ظهر بعض 

حلوة العلاقات المريحة..الخفيفة..واضحه التفاصيل. بسيطه بلا تعقيد وكدب وحوارات

حلوة العلاقات المنورة ..اللي تزوّد ما تنقّصش.. .

اللي تخليك تبتسم. بعد البعد مع أول حرف واول كلمه مهما مرت الايام تخليك مرتاح على راحتك على طبيعتك..الناس اللي بتقبلك زي ما انت.. بحزنك.. بضعفك.. بفرحك.. بجنونك...بهدوئك حلوه العلاقات اللى بتعملك راحة نفسية.. اللي بتعرف تركن عليها وليها ومعاها وكأنها شاطئ ترمي عليه الأحزان.. حلوه علاقات الناس اللي بتدفيك بحبها..وانت متأكد انهم مش هيخذلوك 

حلوه الإخوات والزمايل والصحاب والقرايب اللي تطمن بوجودهم وماتخافش من غدرهم ..

دوروا على الناس الحلوة..وامسكوا فيهم بلاش يهونوا عليكم.ماتخليهومش يندموا على تلقائيتهم تهم وحبهم.. كلموهم من قلوبكم. سريعه هي خطوات الأيام وسريعه هي صدمات الأقدار.. اعترفوا سريعا بما يدور في قلوبكم وعقولكم فالاقدار لاتنتظر اللحظه المناسبه او وقت الفراغ او الوقت المناسب .او عوده الغائب  فأنت من تصنع لحظتك المناسبه.. فلا تضيع ذكاء قلبك. ولا تضيع الناس الحلوه 

* عمر الشريف* قال في احد لقائاته لما نزعل انا ورمزى كنت عارف هو اللي بيجي يصالحني الأول دايماً.. وفي مره حصل ما بينا خلاف كبير وفضل الشريف مُنتظر رمزي يصالحه لكن دا ماحصلش قرر عمر يروحله ويشوف ماله ، أول ما رمزي شافه قام وحضنه وفضل يبكي،لما هدي سأله إنت ليه ماجيتش تصالحني زي كل مرة ؟!

فكان رده من كتر ما كنت بصالحك حسيت إني مش فارق معاك ماحبتش أفرض نفسي عليك وقررت  أقطع علاقتي بيك رغم إن دا كان صعب جداً عليا بس إحساسي بأني شخص غير مرغوب فيه كان أصعب بكتير يا عمر..

متستغلوش حب حد ليكو غلط لانه ببساطه من كتر مابيجي على نفسه عشان متبعدش عنه او ميخسركش حيجي عليه الوقت الي تهون عليه حتي لو بيموت حيبعد وحتخسره مدي الحياه

الحب.....حبو صح واعرفو قيمه نعمه الحب والاحساس مش لازم نضيعها لحد ماتروح منا الناس الحلوه واحنا بنستنى اللحظه المناسبه

شاركه

عن احمدعبدالكريم

عالم العلم والمعرفة