إنك تتجوزي راجل من عائلة محترمه ده موضوع طبيعي ، لكن إنك تتجوزي ابن اصول ده موضوع تاني
ابن الاصول ميبصش لفلوس مراته ويكون طمعان فيها
ابن الأصول يجي يدي لمراته فلوس قبل ماهي تتذلل له وتقوله انا عايزه فلوس للبيت باحراج وكانها تشحت
ابن الأصول ميجبرش مراته انها تعمل حاجه غصب عنها
ابن الاصول ميعايرش مراته ويذلها بأي حاجه بيعملها
ابن الأصول بيشكر مراته على اللقمة اللي عملتها له ويدعى لها بالصحة عشان وقفت على رجلها والحر في المطبخ حتى ولو الملح زياده
ابن الأصول اللي ما يقارنش مراته بحد او ويكسر بخاطرها
ابن الاصول يصون مراته في غيابها قبل حضورها ويحفظ غيبتها قدام اهله وقدام اى حد
ابن الأصول ميقللش من مراته قدام حد و يمدحها ويعلي من شأنها قدام الناس كلها
ابن الاصول دايما واقف جنب مراته وفي ضهرها في الوحشه قبل الحلوه
ابن الاصول لو شايف مراته ناجحه في شغلها يشجعها ويدعمها ودايما يكون سند ليها
ابن الاصول لو شاف مراته تعبانه يشيل عنها شغل البيت ويساعدها وياخد باله منها
ابن الاصول دايما يشارك مراته وياخد رايها ويحسسها بوجودها
ابن الاصول دايما يطيب خاطر مراته بكلام حلو تسلم ايديك، ربنا يخليكي ليا
ابن الاصول عمره ما يهين مراته ولا يمد ايده عليها
ابن الأصول دايما مراته بتبقى ضحكتها منوره وشها عشان هيا في حياته
ابن الأصول بيكون اب واخ وصديق قبل اما يكون زوج لمراته
ابن الاصول دايما كريم مع مراته مش ماديا فقط ولكن في المشاعر والعواطف
ابن الأصول ما يروحش ينام وسايب مراته تسكت العيال ولو عملوا هيصه حبتين يستحمل ما يحملهاش غلط ولاده
ابن الاصول دايما بيعامل مراته وكأنها ملكه في بيته عشان عارف انها ضحت بحضن ابوها وامها عشان تكون معاك
ابن الأصول لما يلاقي مراته تعبانه يقوم يداويها ويخفف عنها بكلمه سلامتك يا غاليه
ابن الأصول دايما يطبطب ويهون الايام الصعبه
ابن الاصول يستر مايفضحش
ابن الاصول تخليها تحبك قولا وعملا تخليها تدعيلك سرا وجهرا مش تدعي عليك
اب الاصول يحسسها بالمودة والرحمة والاحترام
ابن الاصول بيكون راجل مش برفع صوته .. رفقا بالقوارير
ابن الاصول بيكون راجل في كلامه و افعاله
لو في بيتك ابن الاصول هنيالك ، أمك دعيالك
و لو مخلف ولد طلعه ابن أصول خلي اللي يتعامل معاه يدعى للبيت اللي رباه
لأجل كل هذه التفاصيل المهمة أختاري ابن الأصول ❤️👌
0 التعليقات :
إرسال تعليق