الغدر
ليه ياغدر بقيت رامي شباكك على طول....ودايما صايدني ولافف عليا بجنون.
ليه ياغدر دايما عايش في الدور ومركز معايا من دون...ماتسيبني أقف شوية في الدور.
ليه ياغدر بقيت زي الهوا المنشور .....في كل مكان بيدور وريحتك بتفوح بجنون.
ليه ياغدر بقيت سهل ومستخدم من الناس على طول......ونسيوا وصايا الرسول وكل الأديان.
ليه بقيت سهل ومن أقرب ماليك....ليه يخلوك زي الطير بجناح مكسور.
ليه اللي نقول إنهم أحباب وسند...يطلعوا ورق في ورق يطيره حبة هوا ويبوش لوبقى مبلول.
ليه ياغدر متجيش من الغريب وتيجي من الحبيب القريب......ونبقى وقتها طير مدبوح ببرود
الغدر من القريب زي السكين التلمة ..اللي لامنها بتنهي وتقطع ولاسايباك في حالك تعيش وتخليك ميت بس لسه فيك الروح.
ولما تيجي تلوم تطلع أنت المعيوب يقولك أصلك مغفل ومش عارف إن العرق دساس وإنه من يومه بالغدر معجون.
ولما يكون الغدر من لحمي ومن نفس عرقي..كان عليا أفتح إزاي وأخد حذري من روحي إزاي
ليه ياغدر تكون سمة حبايبنا....خليت إيه للناس اللي بيكرهونا.
نقول إيه في غدر الأحباب ضعف قدام الشيطان ولاموت لقلوب إنعدم فيها الإحساس.
ياللي غدرت بأحبابك إيه فادك....غير فقدانك لروحك وأنت ولا على بالك.
ياللي غدرت بأحبابك إزاي قادر تعيش..تتنفس جوالحرية وأنت رخيص.
ياللي غدرت بأحبابك هي الدنيا إيه...يومين وهنرحل ونغادر
ياللي غدرت بأحبابك كنت حذره ولا إديه سابق إنذار..
إتقوا الله في أحبابكم وفيمن وثق بكم....ونظفوا قلوبكم واغلقوا منافذ الشيطان وأوعوا تواربوا الأبواب للشيطان لأنه بيستغل ضعف النفوس....
0 التعليقات :
إرسال تعليق