بقلم /زينب فتحي
.كل الصعب معاها يهون.رامية حمولها على الله وتقولك دي بسيطة.في زعلها تقولك بسيطة ربنا هيراضي قلبي ويطبطب عليه.في مرضها تقول بسيطة ربي كافأني عشان يغسلني من الذنوب.سموها بسيطة وبقت سمتها الأساسة هي البساطة..واسمها بقى وصفها.دايما تقول الدنيا دي بسيطة متصعبوهاش على أنفسكم لحسن تملاكم الهموم. عيشوها ببساطة أصلها مش محتاجة...من كتر ماهي بسيطة نظرة منها تهاجم قلبك وتسيطر عليه بجنون.وتحس بإنجذابك ليها من غير أي كلام.تلقى نفسك هايم في عشقها حتى من غير سابق ميعاد.الأطفال الغيرين يستسلموا لحضنها وتلاقيهم كلهم هنا وسكون ويلاقوا الأمان والإطمئنان. ماهي بسيطة في كل حاجة حتى كمان في حبها.بسيطة في لبسها وفي شكلها كل اللي يشوفها ميتكلمش غير عن بساطة قلبها .قلبها البسيط المتسامح اللي عمره ماعرف يجرح حد ولا يرد الأذية بإساءة من اللي هيا.دايما تقول الدنيا فانية افرحوا واسعدوا واجروا وألعبواوأوعوا تكشروا.خدوا الدنيا ببساطةهتهرب منكم المشاكل.بسيطة دي أمي عشت وهعيش أفتخر أني بنتها..بسيطة لسه عايشة بقلوب كل اللي يعرفها واللي سمع عنها..بسيطة ماليه القلوب بخيرها وحبها...منتظرة لقاكي يابسيطة البساطة.وحشتينا يابسيطة ياأم البساطة والطيبة والجدعنة.بالرغم من بساطتك إلا أن مكانك معقد لا يسمح لبشر يحتله. بسيطة في تفاصيلك المحفورة بقلوبنا لكنها مؤثرة بكل وضوح .وحشتينا يابسيطة ياأم البساطة كلها....
0 التعليقات :
إرسال تعليق