للشاعر ..احمد قدرى
مع صوتك اللي بيشجيني
انا دبت ميت مليون مرة
عاشقك عشان بتسماحيني
لو حتي ح اغلط ميت مرة
مع قلبك الصافي الطيب
بحس م الفرح قريب
مع كل حلم اما يغيب
بتمني في عنيكي السمرة
وجع البعاد اللي تاعبني
بنساه ف قربك واتحمل
واما الحقيقة تتوهني
بمسك ف ايدك وبكمل
وارجع لقلبك وهواكي
واعيش حياتي وياكي
احس بوجودي معاكي
واعشق واعيشك م الأول
طعم الحياة بيكون احلي
وانت في حضني وسمعاني
ماانت اللي زادي ف الرحلة
واللي في قلبك سايعاني
يااحلي بكرة بيندهلي
ياروحي وصحابي واهلي
لو الزمان يرجع بينا
انا كنت احبك من تاني
____
#احمد_قدري
0 التعليقات :
إرسال تعليق