تفكير الناس ليه أشكال وصور كتيرة و اللي ممكن تكون أو تكوني منهم بنسبة كبيرة
ناس تلاقي تفكيرها مركز في اللي حصل من زمن فااات و دايما بيسأل نفسه أو الي حواليه
ليه أنا وصلت لكده؟؟؟؟؟ أو ليه انا عملت كده أو ليه سمحتلهم يعملوا فيه كده ..
وناس تانية تلاقي تفكيرها بصورة عكسية دايما مركزة في حته تانية ....عينها علي الي جاي ....تلاقيه بيسأل برده دايما نفسه أو الي حواليه ....هعمل ايه في اللي الجاي ؟؟؟؟
وهعرف أوصل للي نفسي فيه ازاي وانا في وسط المصايب والضغوووووط دي كلها ؟؟؟ والغريب لو حد قاله من الي بيسألهم هتقدر بس انت قول يارب
يرد عليهم ويفاجأك باصراره علي طريقة تفكيره المعوقة ويقول......إزاي يعني هقدر وانا أجي إيه جنب فلان و علان واديهم مش عارفين يعملوا حاجة اهوا .....! هاجي أنا بقي وأقدر وأعرف !!!!!!
انتبهووووووا
انتبهوا الي الإذاعة الداخلية جوه راسكم بتذيع عليكم ايه .......
في الحقيقة النوعين دول من التفكير بيخلونا نفقد كل حاجة ...نفقد الحياة الحقيقية اللي المفروض نعيشها
الوقت بيجري ......ليه مصممين نفضل واقفين مكانا
كله ماشي ...و احنا إما بنرجع لورا أووووي في أيام زماااان او بنبص علي اللي جاي وخايفين منه أوووووي واحنا مش عارفين ياتري اصلا هنعيش للوقت ده ولا هنكون مش موجودين في الدنيا اصلااااً..؟؟؟؟؟
كفاااااااية
بلاش طريقة التفكير دي وخلي عندكم حاجة مهمة أوووووي وهي
الإدرااااااك
أيوووووه ادركوا ان الي بيفكر بالطريقتين دول بيخسر كتير... بيخسر عمره الحقيقي وبيجهد ذهنه وبيفقد صحته النفسية و هنا بيحصل حاجة اسمها....
{عدم التوافق مع مجريات الحياة }
الحل ايه طيب،،،،!!!!!
اولا نركز بس علي كلمتين دايما نحطهم قصاد عنينا وهما........ {#هنا_والوقتي}
Here and now
كفااااية بقي سيبكم من اللي فات و سيبگم كمان من اللي جااااي
صدقوني كل اللي تقدروا تمتلكوووه من الحياة هما الكلمتين دول وبس
(هنا و دلوقتي بس ).....
من فضلكم حافظوا علي اللي في ايديكم و حاولوا توصلوا بيه وتستفيدوا منه صح علشان اللي جاي يكون زي ما بتتمنوا .. وصدقوني هتوصلوا هتوصلوا لكل الي بتتمنوه إن شاء الله..❤️
أخيرا هقولكم كلمتين احفظوهم جوه عقولكم
غير وجهتك في الحياة واتأكد انك مبتوصلش بالسرعة لكن أكيد أكيد هتوصل بتحديد الوجهه و الطريق الصحيح اللي يوصلك لوجهتك الي انت حددتها
0 التعليقات :
إرسال تعليق