ساعات وبدون مقدمات تلاقي دموعك نازلة بدون أي سبب حقيقي في لحظة نزولها لدرجة انك بتستغرب .....
ولو حد معاك بيقولك ليه دموعك دي وده وقت دمووووع !!!! .....
لكن خليني اقولكم ان ليها تفسير وسبب
دموعك اللي بتنزل لوحدها دى بدون سبب، علامة أن نفسك من الأنفس الذكية ، تخيل الدموع دى عدت من جمرك الأفكار والمنطق والوعى، وكانت شاطرة أوووي انها تتسحب غصب عنك وتنزل من غير ما تسيطر عليها وتكتمها جواك زي ما بتعمل مرااااات كتييييرة أووووي
وتفسيرها انها هدية من ربنا ليك علشان تنفث عن الي جواك بطريقه بسيطة وسهلة ، زيها كده زي قطرات الندى ......سيبها تنزل أرجوك ومتركزش معاها أوووي وتبتدي تحطلها عناوين كتيرة.....
بطل تحطلها يافطة وعنوان ....
انا دموعي نزلت (علشان) .....................
بطل تعطلها وتقف في طريقها وترخم عليها،
سيبها هترتاح والله ومحدش هيرتاح غيرك
هتنزل تغسل وبعفوية كل الي وجعك وانت بتعافر
وانت جاي علي نفسك ومخبي ألمك حتي عن نفسك خليها تقلل مخزون الحزن المتراكم علي أرفف وجدران قلبك والذي لا يعرف لها عنوان حتي الآن ...
0 التعليقات :
إرسال تعليق