التجارب الصعبة ال بنمر بيها وخاصة لما بتتكرر أكتر من مرة لما بنخرج منها إلي يعرفنا من قبلها بيكون متخيل اننا بقينا أقوي من الأول .....
الحقيقة ..انت مش بتخرج منها أقوى بالمعنى الحقيقي لكلمة أقوي ، لكن بتخرج منها وأنت أكتر قدرة على احتمال الألم؛ السؤال ليه بيحصلنا كده بعد المواقف الصعبة إلي بنمر بيها ؟؟؟؟
الإجابة...لأن الإنسان لما بيوصل لمرحلة معينة من الألم
بيفقد بعدها الإحساس بالألم تدريجيا، وده من رحمة ربنا بينا فتبدأ ردود أفعالنا تبان أهدى لدرجة إن إلي بيشوف رد فعلك ممكن يوصفك بالبرود ، بنكون أكثر اعتيادية للظلم والخذلان والتوقع ان يحصلنا كده عادي مش بس كده لااااا وكمان ده ممكن يحصلنا من أقرب الناس لينا....
وحتى الخيانة بأنواعها ودرجاتها بتلاقي نفسك بتقول عادي هي جت علي أد دول ما انا ياما قدمت السبت والحد وملقتش تقدير من أي حد
والناس هتقول عليك ساعتها إنك بقيت متبلد المشاعر وقوي..
دعوني أفاجئكم..... هي مش قوة خاااالص
أد ما هي فقدان تدريجي لإحساسك باللي حواليك، كنوع من أنواع الرحمة الإلهية بيك
ربنا رحيم أوووي بينا
عن الرحمة أتحدث
من لايرحم لا يُرحم
#لايف_كوتش/#زينب_الفيومي
0 التعليقات :
إرسال تعليق