قبل ما يفوت الاوان
عارفين البلاستر إلي أوقات بنلزقه فوق الجرح واحنا بنحاول نقفله قبل مايوسع ويتحول لشق كبير
أهو ده بالظبط عامل زي كلمة آسف لما بتتقال وانت مش حاسس طعمها لانها جت بعد فوات الاوان
لما بتتقال متأخرة أوووووي بعد ما بتزهد فيها وسماعها والعدم بيكون واحد لانك اصلا مبقتش بتستناها
بتبقي باردة.. منتهية الصلاحية Expired ملهاش أي قيمة
اقولكم من الاخر كلمة أسف عشان تطيب و تشفي الجرح لازم تتقال في الوقت المناسب قبل الجرح ما يقلب شرخ وشق عميق
قبل ما يكبر ويسيب علامة علي روحنا قبل اجسادنا
و قبل المسافات ما تبعد
و قبل القلوب ما تجف جواها مشاعر المودة أصل المودة ليها وقت......
ياتري عارفين وقتها ؟؟؟وكمان المودة ده رصيد حساب بتحوشه لنفسك في خزنة الزمان علشان لما تضعف وتحتاج لايد تطبطب وودن تسمع أهاااااتك
وقتها بس هتكون بتتمني يكون عندك رصيد علشان تمد ايدك في خزنة المودة وتاخد منه... وتروي جسور الرحمة بينك وبين الي معاك ووقتها بتكون للاسف في أشد احتياجك ليها فوق ما تتصور
عينك علي الوقت ..عينك علي خزنتك محوش فيها ايه للي جاي و قبل مايبقي خلاص للاسف مفيش غير أقسي كلمتين ممكن تسمعهم في حياتك وهما
........فات الاوان ........
0 التعليقات :
إرسال تعليق