ساعات كتير الواحد مابياخدش باله من كلمه او فعل ممكن يجرح مشاعر اللي ادامه ساعات كتير بنجرح اللي ادامنا ونقول دي صراحه مني لا ده بيبقي ساعات غباء الصراحه الزايده بيبقي عيب كتير مننا بيتباهي انه صريح وأنه بكده مش بيكدب بحجه ان اللي في قلبي علي لساني وان بكده مش بيلبس قناع وأنه ماعندوش ١٠٠وش وكلها اعذار عشان يبرر وقاحته وعدم احترامه لمشاعر الاخرين طبعا خليك صريح وماتنافقش اللي ادامك بس بذوق وادب بدون ماتجرح اللي ادامك بكلمه او فعل فالصراحة صفه جميله نتمني ان نتصف بها جميعا ولكن في نفس الوقت لازم يكون عندي إخلاق دون اذيه مشاعر الاخرين فيجب ان نفرق بين الصراحه والوقاحه حتي لاينفر الناس من حولنا
0 التعليقات :
إرسال تعليق