بتبكــي ليــه وبعــدهالك يـا عيـــونـــى
إنسـى بقى نارك بتحــرق لـي جفــونـي
هو أنــا مكتــوب على جبينـي أعــــاني
ليـه كل دا بتدوس عليــا وتنســـانــــى
يا ناسي جرحي كلمه منك بإعتــــــذار
----------&&&&----------
معقــولــه ردك ليــا أنا يبقــى بإهـــــانه
مين اللـي ساكن جـوا قلبـي وبأمـــــانه
ليــــه أبقـى شــاري وانت بايــع حبنـــا
ليه لمــا قـولت إنك حبيبي قهــرتنــــــا
ليه سبتني م الصبح وانا دمعي مــــرار
----------&&&&-----------
بُكره هدوس عالجراح والشـوك وعــدي
وقولي مين فى الدنيا حَبــك بس قـدي
إزاى تعيـــش وناســي حبـــك ولا داري
ليه لما ادوس عالجرح بيــزود فى ناري
من لوعة الحب عشانك اعيش في نــار
----------&&&&-----------
نفسي مــره تحس بالقـلب اللـي صـانك
وفداك أنا وقولت أبيــع الكـون عشانـك
دا اللـــي حَبـــك عمـره ما يفكر يهينـك
أما انت قاســي فـى البعـاد الله يعينـك
مــن وقتـها معـرفش ليـلي انا من نهـار
---------&&&&-----------
أنـا مستهلش كـــل دا أنــا مش غـريب
نبـــات ونصبــح فى العدا مكفايه عيب
مـن بس حبــك غيري انا وكان الطبيب
ليـــه بس قـولي ظلمتني ظلمك رهيب
بتقـولي عــادي ولا همـك إيه اللي صار
----------&&&&----------
مــع إن عــارف إن روحي دايبــه فيــك
من يوم شفتك ولاّ شفـت جمــال عنيك
عاملــي ناسـي يــا قلبي انت جـرحتني
وكسـرت ليـه يـومـها جناحي ودبحتني
إوعـــاك تقـــولي إن دا كـــان دور هـزار
---------&&&&----------
يــاريت تقـــولي قلبي لسـه بيبـكي ليــه
ودمـــوع بتحــرق نار بتنزل مـن عنيـــه
هفضـل أنـا رافـع إيديا للسما زعلان عليه
هو اللي كان ليا أنا وكل ثانيه بحس بيه
أنا كنت بفرشله الهنا من غير منا محتـار
من ديوان أهواك بلا حدود
✍️
محمود فوده
0 التعليقات :
إرسال تعليق