متابعة /ابراهيم الدهش
_______________
مصر هي عود ريحان
عصفور طليق حر الجناح
مصر بيت وغيط ونيل
ورجال بايدهم السلاح
مصر بنوتة بضفاير
تجري وتلعب ف البراح
عيونها سود مكحلين
صايدين ياناس كما الرماح
وضحكة مرسومة بالسما
يفوح عبيرها ف الصباح
أول طبيبة بالعالم
كانت الجميلة "مرت بتاح"
من أسرة عريقة مصرية
عملت بإصرارها أنفتاح
مصر بيت فوقيه حطب
وكانون يسوي عليه أقداح
مصر أحمس وتحتمس
جمحوا لأعداءنا الجماح
مصر ناسها الطيبين
جندي وعامل وفلاح
وست سمرا شقيانة
تصحي وتسعى للفلاح
والغدر حوليها حايم
هباء منثور بعد الرياح
مصر ضليلة وجنينة
وشجرة طارحة كمان تفاح
حلال وربنا سبحانه
عطاءه لينا أعظم نفاح
__________________
نفاح /كثير العطايا
0 التعليقات :
إرسال تعليق