ياأمي احكيلي عن الحب
يمكن كأني سمعت عنّه
شفت الصبايا ذاقوا
الأسى منّه
نسيت أخبرك ياأمي
زغاليل الصدر شقّواالقميص
وفكفكوا زراره
والجسم أصبح نحيل
والروب فضفض بزناره
نازلة أنا ورفيقتي ع.العين
نمشي بحذر وتذرف
دموع العين
وفجأة شفنا فارس
على حصانه
وسيم وع.الوجه
مكتوب عنوانه
وقّف يسرق نظر
من رفيقتي
ويعود يتجول
بحديقتي
بعدها ماعرفت
شوصار
نسمة دفا شعلت
هالقلب بالنار
ورجعت ياأمي ونسيت
أملي قربتي
ونسيت أهلي وكل
سائر قربتي
ياأمي رح خبرك ماأجمله
سبحان رب مكمّله
لولا الخجل كنت
بدي اسأله
رب الخلائق من أي
جنّة منزّله
ياأمي سامعة صوت الزغاريد
معقول نحنا اليوم
بفرحة عيد
والله الزغاريد جاي
من عند هالجيران
ياأمي أنا صار بعقلي
ألف شيطان
ياأمي والله هذا حصانه
أصيل وانا عرفته
من صغر دانه
معقول يكون انهبل
وجن بجنانه
وجاي المنظوم يخطب
رفيقتي....
0 التعليقات :
إرسال تعليق