هنفرح والله
وهتبقي الضحكه طالعه من القلب
وقلبي اللي بيتكتك من البرد
هيتدفي وهيشبع من اللمه
لسه سنين قدام
هبقي تمام
هتشهد الشوارع
اللي مقابلتهاش غير ب مطر الدموع
ب شفي قلبي الموجوع
واللمه اللي نقصانا
والكرسي اللي يامي كان فاضي
هيسمع صوت ضحكتنا
وهيبقي يومها راضي
هيسمع الهاند فري صوت ام كلثوم
بعد م كان ميعرفش غير ابراهيم فرج
ده الورد هيفضل ورد حتي لو دبل في يوم
ف صدقني هتتحق احلامنا وهيجي الفرج
وان كان علي كام حلم منولتوش
وكام ليل منمتوش
وان كان علي شخص مكنتوش
ف العمر لسه فيه ليالي هتعاش
وفي حلم لسه مجاش
طريق العمر اهو قدامي
ممشتش فيه غير خطوات
ولسه في حلو في ايامي
مشوفتش منه غيرها ساعات
وان كان الموت علينا حق
ف ب الاحق والاولي اني اعيش
هاخد اللي عاوزه من غير م الدنيا تقولي مفيش
وان كنت في يوم عايش زق
وان كنت في يوم وحيد
ف المرادي هيكوني خلي القمر
وهحب الليل والسهر
وهسهر انا والقهوه نتكلم ب الساعات
هتكوني الساعه شريكه السكات
وخدها وعد مني
هتعدي جنب بابي المرادي
تسمع صوت بكي الحزن من اهماله
هتشوفني تبتسم
بدل م عينك تطبطب عليا ب نظرت الشفقه
بدله من نظره تحضن نضرتك قايله " ضحكتين لله "
وعد مني
مش هستني الحياه تضحكلي
وهضحك انا للحياه
ضحكت شبه شاب ناوي يحقق احلامه
0 التعليقات :
إرسال تعليق