ثريا الصاوي
تعيش المطربة شيرين عبد الوهاب أزمة شديدة في الوقت الحالي، ظهر حسين حبيب والد طليقها يدافع عنها مؤكدًا إنها ليست كما يصورها ابنه بعد تصريحاته الأخيرة في برنامج "الحكاية" الذي يقدمه الإعلامي عمرو أديب عبر قناة MBC مصر.
حسين حبيب يهاجم نجله بعد تصريحاته الأخيرة عن أزمة شيرين عبد الوهاب
وقال حسين حبيب عبر حسابه الرسمي بموقع فيس بوك: "قولوا الحق ولو على أنفسكم، هو ينفع أخالف شرع ربنا بحجة إنى أحمي أولادي البنات؟ ليها الثلثين والأهل ليهم الثلث بعد عمر طويل، وده يخلي الأهل راضيين و يراعوا البنات بعد عمر طويل، ودي صلة رحم، وغير كده يزرع العداوة بين الأهل".
وأضاف: "انت كده مش بتحافظ على مال زوجتك أنت تخالف شرع ربنا، والنتيجة أنهم فضحوها وقضوا على مستقبلها، وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك.. ضيعت نفسك وضيعت البنت معاك".
وتابع حسين: "هو ينفع اخوها بقاله أكتر من عشرين سنة بيراعي أخته وهي مصدر رزقه أجي اقفل عليه الحنفية؟، ويقعد أربع سنين من غير شغل وراجع تاني تقفل عليه الحنفية، هو وأمه وأخته عايز يسيبك، يا ناوي على قوتي يا ناوي على موتي، الزوج يتعوض الأم والأخ مايتعوضوش.. دي كلمة حق لوجه الله والدين النصيحة".
واستكمل والد حسام حبيب حديثه قائلًا: "انت بتقول لما رجعت ليها العربية، واحد بيشتغل معاها أخد العربية اللي بـ 5 مليون وقالها هابقي أديكي بيها شغل، وواحد محاسب تعرفه قريب شكلها حالة أعطت له 100 ألف دولار وخلع، وأنها بتكتب شيكات للناس على بياض، أنت كده بتدي مبرر لأهلها يحجروا عليها وتطلعها إنها سفيهة وعبيطة وأنا من معرفتي بيها إنها واعية وناصحة، بتيجي تكحلها تعميها، اسأل أبوك يقولك تقول ايه".
رد حسام حبيب على والده بكلمات قوية وغير متوقعة
رد المطرب حسام حبيب على والده عبر خاصية ستوري الإنستجرام الخاصة به معلقًا: "أنا لي الشرف بأنني تربيت على يد سيدة لأنها بمئة رجل، وهذه التربية التي تربيتها هي التي تمنعني من الرد عليك.. حسبي الله ونعم الوكيل".
تصريحات حسام حبيب عن أزمة شيرين عبد الوهاب الأخيرة من برنامج الحكاية
تصريحاته كالتالي:-
شيرين قصت شعرها في نفس يوم ما طالبتني بالطلاق، وأغمى عليا أول ما شفتها، هي حلقت شعرها علشان تقسو على نفسها، وتنهي العلاقة، لكن ده محصلش.
معملتش حاجة لنفسي من يوم ما اتجوزت شيرين، ولا لحنت أغنية ولا غنيت أغنية.
لما ظهر الإدمان في حياتها قولت يا أنا يا الحاجة دي
مخدتش جنيه من شيرين ولا من قدامها ولا من وراها، وكان واجبي أكبر ثروتها مش أنقصها، وعملت لها سيستم لإدارة أموالها.
عمري في حياتي ما كنت عنيف، مع أي سيدة.. أنا راجل متربي و متعلم، وعارف يعني إيه ست.
علاقتي مع شيرين بدأت بالصداقة، ولم أتوقع زواجي منها.
شيرين استغاثت بي لإنقاذها من المحيط الذي كانت فيه.
وجودي كان غير مستحب للمحيط بشيرين؛ لأن الحنفية اتقفلت.. كان خلاص محدش بياخد حاجة من شيرين مش من حقه.
لم أعلق أبدا على وزن شيرين الزائد، لدرجة اعتبرت نفسي تسببت في أذى لها، كان لازم اللايف ستايل كله يتغير.
أقسم بالله العظيم أنا شفت شيرين نازلة حافية من بيتها لابسة البيجاما متعرضة للسحل والضرب مفتوح عليها مطواة أمام طبيب ومنقولة في عربية.
محمد عبد الوهاب قاطع علاقته بها منذ عامين.. ما السبب وراء ظهوره الآن. وكان جاي يعتدي علينا ومعاه صحابه مش بس أطباء.
اتضربت من اللي اعتدوا على شيرين، وضلوعي اتكسرت، والبنت المساعدة لها برضو اتعرضت للضرب والإهانة اللي حصل ميدلش إن دول دكاترة أو أطباء.
وفي هذا السياق تعرضت الفنانة شيرين عبد الوهاب لأزمة شديدة في الآونة الأخيرة وترتب على ذلك دخولها إحدى المستشفيات النفسية المتخصصة.
0 التعليقات :
إرسال تعليق