انا جيت الدنيا طيب
ولاعندي شئ يعيب
اتاريني غريب ولسة
ناقص خبرة وعلام
اخدتني الدنيا شروة
وبقيت رحال غريب
مااخدتش فيها غلوة
علشان حر واديب
وبرضه كنت راضي
واحلم علشان ولادي
وفي كل ركن فاضي
يطلع تعبان وديب
احوال الناس غريبة
ومفيش ابدا امان
مابقاش في قلوبها طيبة
ولاحب بتاع زمان
وخلاص القتل عادي
والجرح برضه عادي
ومها اقول وانادي
انا وحدي في المكان
خلاصة الرحلة هي
صاحبك هو الدراع
وعشان مالكش دية
وخلاص الكل باع
ارضي وعيش اللي فاضل
خليك مع رب عادل
يحفظ ود الافاضل
ويصونك م الخداع
______
#احمد_قدري
0 التعليقات :
إرسال تعليق