زهقت من الناس اللئيمة .زهقت من اللي يعمل حبيبك لحد ما ياخد مصلحته يتقلب عليك ويشوف مصلحته مع غيرك .
زهقت من المشاعر الكدابة و الأحاسيس المزيفة و اكتر واحده ممكن تقسي عليها مراتك عشرة عمرك . زهقت من كتر ما سمعت مشاكل أبطالها رجالة من ورق بيعتبروا أم ولادهم عدوتهم اللدودة .دى لو حسنتها الوحيدة أنها أم ولادك فدى لوحدها كفيلة انك تكون راجل سواء معاها أو محصلش نصيب تكملوا . زهقت من اللي بيوعدوا ويخلفوا . و يرموا علي شماعة النصيب . زهقت من الكدب والخداع و نسيان أن الرزق مكتوب ومحدش بأيده حاجه لا بالحروب ولا بالأفلام . زهقت من الشعارات الكدابة. زهقت من الناس اللي متعرفش يعني ايه عشرة ولا يعني ايه وعد . زهقت من كل راجل بيعذب ولاده بحجة أنه مش طايق مراته ولا طليقته . زهقت من الناس المتلونه انهارده حبيبك و بكره عدوك بدون سبب . زهقت من الناس اللى طول الوقت راسمة دور الفضيلة وهما بشعين . زهقت من الحقد والحسد و الكرهه اللي بقا مالي القلوب . زهقت من الشعارات الكدابة و الأفلام الهابطة . زهقت من الناس قليلة الأصل . زهقت من الناس اللى بيعتبروا تعبك معاهم حق مكتسب مش انك بتعمل ده حب . زهقت من الغدر اللي بسمع عنه طول الوقت و مبقاش له تفسير ولا كتالوج .حلوة وحشة هيتغدر بيكي لا بحلاوة ولا بسن ولا بتعامل حسن .زهقت من الناس المؤذية . زهقت من كتر ما سمعت مشاكل الزوج فيها ندل ومش امين علي مراته .زهقت من الناس سليطة اللسان و فاكرة نفسها صريحه .زهقت من الناس اللي بمليون وش . زهقت من دنيا ملهاش آمان في ثانية تغدر بيك . زهقت من الناس اللى لسه عايشه الوهم أنهم اقوى من إرادة ربنا . زهقت من الناس اللى مهما عملت معاهم انت بردو وحش . زهقت من علاقات سامة ومسمومة وأيام بتضييع فيها على الفاضي . زهقت من اللي بتقدرهم وهما مش بيقدروك . زهقت من كل حد قاسي قلبه جاحد وما بيحسش ولا بيهمه غير نفسه . زهقت من كل أبن أو أبنة مش عارفين يعني أيه أب وأم و ما بيتعاملوش معاهم أنهم كنز. زهقت من كل زوج بيقلل بزوجتة قدام ولادها و كل زوجة بتقلل من أب قدام ولاده .زهقت من الناس اللى بيستكتروا علينا الفرحة والنجاح . كلامى مش شخصي بتكلم بلسان كل حد لسه نضيف ومحترم وعنده مبادئ في زمن أصبح البقاء للأسوأ
0 التعليقات :
إرسال تعليق