مراحل نمو اللغة/ بقلم د. سحر جابر

 

.  *مراحل نمو اللغة*

من الموضوعات الهامة اللي بتهم كل أسرة بها اطفال امتا اعرف ان طفلي عنده تأخر للغوي

تعالوا نتعرف على انواع واقسام اللغةً.......... 

اللغة بتنقسم إلي قسمين:

١-استقبالي: فطفل هنا بيسمع مني الكلام وبيخزنه جوه مخه وبيفهموا .

٢-تعبيري: فطفل هنا بيخرج اللي متخزن جوه مخه من خلال الكلام اللي بيطلعوا .

-أمتي طفل بيخزن ؟؟

طفل بيحزن وهو في بطن ألام وهو عمره ست شهور  . 

واللغه الاستقبالية تنمو قبل اللغه التعبيري

، فالطفل يبدأ في اللغه الاستقبالية من سن ٦ شهور ولكن اللغه تعبيرية من سن ٩ شهور . 

-مراحل النمو اللغوي عند الأطفال 

أولا:مراحل ما قبل اللغة

هي المرحلة الأولي من عمر الطفل فهي تنقسم إلي : 

♦️١-الصراخ والبكاءمن الولادة حتي شهرين  : يبكي ويصرخ الطفل وهذا البكاء بيلين الجهاز الصوتي يعني مش حاجة نخاف منها

. فهو يبكي حتي يعبر عن ألم أو جوع أو ملل ولعل البكاء يصبح لغة التواصل بين الطفل وأمه.

♦️٢-في عمر من ٣شهور إلي ٦شهور : بتبدأ مرحلة  ينطق الطفل الحروف الساكنة الأول ثم الحروف المتحركة (غاغاغاغا) {فالمناغاه : هي تعتبر طريقة من طرق التواصل} 

♦️٣-في عمر من ٦ شهور إلي ٨ شهور : طفل في المرحلة دي بيبدأ بيجيب الصوت ويحط وراء المد بالالف زي (دادا ،جاجا، بابا ،ماما) 

ثانيا :مرحلة اللغة 

♦️٤-في عمر من ٩ شهور إلي ١٠ شهور : بتظهر أول كلمة لطفل زي(بابا ، ماما)  أي كلمة حدث لها أرتباط شرطي يعني أيه يعني كلمة اتقالت أمامه واحنا فرحان أووووي لما سمعنها منه فحصل ليه ارتباط شرطي ففرح فطفل بدأ يكررها تاني . طبعا الواجب ننصح الأمهات أن مهم جدا يحكواقصص لاولادهم في سن ده ويتكلمو معاهم كتير جدا عشان يخزنوا مجموعة كبيرة من الكلمات . 

♦️٥- من عمر سنه : طفل بيحزن من ١٠ الي ١٥ كلمة مفردة وبيقدر طفل يعبر بكلمة واحدة وبتكون كلمات بسيطة ومنتشرة وسمعها أكتر من مرة زي{ بابا ، ماما ، جدو، حته ، مم ، باي،عصير ......}

♦️٦- من عمر سنه ونص : بيخزن من ٦٠ إلي ٧٠ كلمة وبيفهم أوامر بسيطة 

♦️٧- من عمر سنتين :حصليته لغوية من ٢٠٠ إلي ٢٥٠ كلمة فهذه المرحلة كمان بيقدر الطفل ف المرحلة دي يكون جملة من كلمتين زي {ماما اشرب، بابا عربية ،ماما باي ،بابا نام ....}

♦️٨-في عمرثلاث سنوات :

بيبدأ الطفل يقول جملة من ٣ كلمات مفهومين زي {ماما اشرب عصير ، بابا جاه شغل ، ماما عاوز قرش....} وحصليته اللغوية من ٣٠٠٠ إلي ٥٠٠٠ كلمة وبيبدأ ينفذ أمرين غير مرتبطين . مش تتخضوا هقولكم ليه طفل بيحصل إليه زياده كبيرة دي .. 

عشان طفل بيكون اتفتم فبيكون مضايق جداً جعان فبيبدأ يتكلم 

وكمان بيروح حضانة ف بيشوف أطفال كتير وبيلعب وبيتفاعل معاهم وبيسمع كلام كتير جدا من ده وده وكمان من ميس بتاعته ف بيبدأ يخزن أكتر

♦️٩-من عمر ٤ سنوات إلي ٦ سنوات : 

بيحصل زيادة في طول الجملة بيحصل هنا حاجتين :

١-بتزيد طول الجملة إلي ٤ أو ٥ أو ٦ كلمات في جملة واحدة زي {ماما عاوز اشرب مياة ، ماما عاوز اشرب مياة وعصير...}

٢-ضبط عناصر السياق : أي قواعد لغوية أي نحو يعني ايه زي مثلا حروف الجر ،أسماء الاشارة،الضمائر،ظرف المكان والزمان،تذكير والتانيث،أدوات الاستفهام،الأفعال.....الخ

تعال ناخد أمثلة: - هات تفاحة وموزة

-العصفورة فوق 

-البنت جوه

-أنا العب 

-السمكة في المياة

من ٧-٨ سنوات لازم يكتمل نمو حاجتين مهمين جداً ⁦

1-البلاغة: توظيف يعني ايه  يعني طفل بيعرف يوظف الكلام في وقته وفي مكانه يقدر يقول حوار يقدر يهزر يقدر يقول نكت يقدر يعمل مقالب يدرك العلاقات والخطأ ويعرف الوظائف والاستنتاج .....وهكذا 

2-الاطار اللحني:هي تنغيم الصوت يعني ايه يعني هو اللي بيخلي صوت الطفل عالي أو منخفض ،ناعم او خشن ، تخين أو رفيع......وهكذا 

-من ٨-١٠ سنوات بيكتمل نمو لغة. طيب امتي ياا ماما تقولي أن لغة ابنك اكتملت؟

هقولك ⁦ ف ثلاث شروط عشان تقدري تقولي أن لغة ابنك اكتملت : 

١-يقدر ابنك يحكي قصة أو حوار كامل أحداثها متتالية مش بيغلط فيها تماما ⁦  

٢-القواعد عنده تكون مظبوطة السياق يعني ايه  هقولكم  يعني مثلا لو بيتكلم ع الولد لازم يتكلم عليه بصيغة المذكر ، ويتكلم ع بنت بصيغة المؤنث 

٣-الأصوات عنده تكون صحيحة يعني لو مش عنده أي لدغة 

ملحوظة هامة جدآ جدآ 

في فروق فردية بين الأطفال ممكن يتقدم شوية أو يتأخر .

-اهم العوامل التي تؤثر علي النمو اللغوي لطفل مجموعتين :

اولا:العوامل الوارثية المؤثرة في اكتساب اللغة زي :

(1) الجنس:نمو لغه عند البنات⁦⁩ بيكون اسرع من الأولاد

(2) الذكاء

(3)الوضع الصحي والحسي:يعني ايه يعني سلامة الجهاز العصبي والطرفي وسلامة أعضاء النطق. 

ثانيا: العوامل البيئية: 

(1)الأسرة⁦:⁦⁩: بمعني ترتيب الطفل في الأسرة التفاعل بين الطفل والولدين ،مستواهم الثقافي والظروف الاجتماعية والاقتصادية والحرمان العاطفي.

(2) تعدد اللغات: الطفل اللي بيتعلم لغه الأم فقط بيكون نمو اللغه عنده افضل من طفل اللي بيتعلم لغتين أو اكتر في نفس الوقت وده بنشوف ده كتير جداً في الأطفال اللي بيتربو  مع خادمات اللي لغتهم مختلفة عنهم.

(3) وسائل الاعلام:ليها دور كبير في زيادة الحصيلة اللغوية ولكن نخلي بالنا مش نسيب الطفل أمامها بدون ما اتفاعل معاه احكي إليه ايه اللي بيحصل في فيديو اللي شغال ده مثلاً بمعني اصح ارقبه عشان لها تأثير سلبي.

-ارشادات الأسره حتي لا يحدوث تأخر اللغوي عند الاطفال :-

1- عدم ترك الطفل لفترات طويلة أمام الأجهزة مثل (التابلت والتليفزيون والتليفون...الخ)

2- الكلام باستمرار مع الطفل بلغه سهلة وبسيطة وواضحة جداً وتصحيح له باستمرار حتي لايتعود علي نطق الخطأ، وتعليم الطفل تسمية الأشياء وتشجعه وتعززه على استعمال الكلمات الصحيحة..

3-مش نستجيب للطفل لرغباته إذا أشار بيده عشان هي طريقه سهلة وبيستخدمها الطفل باستمرار عشان يسهل علي نفسه ، فالواجب علي ماما مش تستجيب ليه ولازم أن هو يفهم عشان يحاول  ينطق بتدريج. 

أخصائية التخاطب وصعوبات 

التعلم

(سحرجابر بدوى)

شاركه

عن احمدعبدالكريم

عالم العلم والمعرفة