الشاعر :عاطف محمد من ديوان أميرة الجنة
تلت سنين عدت علينا كل يوم بنظن فيها انك انتى هاترجعى او نلاقى ضحكتك او نلاقى صوت ينادى يلا يا ولاد الغدا صوت بيشبه للندى لما يبقى فوق تيجان الورد عامل زغلله عامل موسيقى وصهلله عامل أدان من احلى مسجد عندنا قوموا خلاص وجبت صلا لسه الكلام بيرن دايما ف الهوا له ريحه حلوه حنينه اوعى عاداتك تأثرك تبقى هوى اوعوا تضحوا بالنوى يلا ازرعوه يطرح ويكبر 100 امل مش راح يفيد غير العمل حبيبى وانت راجع هاتلنا اى حاجه تهمنا كنت اسأل زى ايه ياسميه مثلا اطلبى تضحك الغاليه تقوللى اى شىء هاتجيبه حلو يانهار ملون بالقناعه هو فيه لسه كده كنز السماحة والرضا وان رجعت بحزمه خضرا م البصل تقول بنفس النبرة والطيبة الدهب الله عليك شكل البصل حاجه عجب سبحانه إذ لينا وهب ده ورد من زرع الهنا كان نفسنا ف حزمه حلوه من ايديك تسلم مجايبلك يحفظك ولما تغضب تلقى ضحكتها تقول هاصفر واللهى عليكم هاعملكم بس الفطار و يا الغدا ونص بس من العشا ودورتين من الغسيل وهانضف الصاله وسرير وهاطبق الدواليب كمان وهاغسل الحمام بنفسى وهاتصل اواسى قريبك ف محنته انا عامله اضرابين لبكره وتتقمص والبسمه ماليه وشها والنور بيسكن خدها أبص ليها واقولها طب دارى حتى ضحكتك وكملى تلت ثوانى من الزعل تبصلى بطرف عنينها كأنها غضبانه جدا بالقوى فاقول بجد ونبره حلوه حنينه ماتزعلشى يا ام حوده مننا هو احنا لينا ف الكون ده غيرك وقبل مااكمل كلامى تقوم تاخدنا ف حضنها وتبوس ف راسنا وخدنا كأنها هى إللى كسرت خطرنا مع أننا احنا إللى رامين حملنا تقول سماح بس شرطى •••••• يرد صوتنا كلنا كوبايه الشاى الوصايه ام نعناع عنبرى واقعد كده تلت دقايق من غير عمل عايزه أستريح حبتين ترد منه تقولها وكمان فيشار يا جميل يارايق بالقوى ومودة تمسك شعرها وتسرحه امرك ينفذ ياقمر هو احنا لينا غير سميه الفلالى اطلبلها محمود واقول يلا ياسوسو اطمنى أبنك ف حفظ المولى حافظ أرضنا ايوه يا بنى عامل ايه وجاى امتى وساعتها تلقى الشمس طلعت و القمر ف الوقت ده تظهر مشاريع الغدا ويا العشا و يا الفطار وتقول بشوق الانتظار لما ترجع هاتلقى كل شىء تحبه جاهز عندنا تسلم ايدينك يامها الشاى بنعناعه عجب ها اقوم اشطب مطبخى ماتعملوش حاجه خلاص ب عنيه هاخدمكم هوا اضحك ف سرى واقول يارب شاكر نعمتك وقت العمل مليون ايدين وقت الجمال اميره زين والحكمة جاهزه عندها اجمل صديقه باقولها سرى الكبير احلى رفيقه باحبها جوليت و عبله و كليوباترا ف مجدها القلب موجوع بالفراق والعين ماجفش دمعها والفكر مشغول باللى راح لسه الامانى لقربها راضيين بحكمة ربنا شاكرينه ع إللى حصل لنا وعلى وجودك وسطنا بعض الزمن مشرفانا ورافعه راسنا كلنا دى منحه غاليه م الكريم رب العباد هو العليم انك مارحتيش مننا هو الجسد بس إللى راح مع انى برضه بالمسك والله برضه بالمسك وايدى بتسلم عليكى كل يوم على فكره مصر كلها بتحتفل بذكرى 30 سته كل عام وهو ده ذكرى ميعادك بالتمام واجازة مدفوع اجرها حتى ف منامك ساعده مصر كلها كل مااتمنى دعوه ليها تنفعها هناك وقراءة للفاتحة كتير وصدقه م إللى يحبها ان شاله حتى تمرتين آسف كمان على الاطاله وأنى شغلت وقتكم وباعتذر لسميه قدامكم هنا ان حبى ماكنش قد حبها سامحيني إلى روح أطهر زوجه وحبيبه وصديقه وأخت وابنه وأم سميه أميرة الجنه بأذن الله
0 التعليقات :
إرسال تعليق