الحقيقة المؤلمة واللي لما هتدركها هتبطل تحس بأي ألم
هتفضل تتألم طول ما انت بتستني من أي شخص بتحبه إنه يحبك بنفس الدرجة ...إنه يهتم بيك بنفس درجة اهتمامك بيه ..
هتفضل تحس بصدمات كتيير طول ما انت منتظر من الجميع يعاملوك زي ما بتعاملهم
هتفضل حقيقي تتألم لغاية ما???
#تنضج
يعني ايه بقي المقصود بكلمة تنضج ؟؟؟؟
تنضج يعني تفهم وتستوعب مش بس كده
وتتقبل كماااان
تفهم انه مش شرط ان اي حد يحبك بنفس الدرجة اللي انت بتحبه بيها
وتتقبل
تفهم وتستوعب ان الأفعال بتكون ربع الكلام اللي بيتقال
وتتقبل
تفهم ان العتاب مش لكل الناس اللي بتتعامل معاها
انما للي انت عندك أمل فيه ولسه باقي عليه
وتتقبل
تفهم ان الانسحاب والبعد عن بعض الناس في الوقت المناسب بيكون افضل كتيير من تضييع الوقت مع ناس مش شبهك
وتتقبل
انك تنضج يعني انك تصدق ان كل شيء وارد انه يحصل وممكن يكون من اللي انت مش متخيل انه يعمل فيك كده والاهم
انك تتقبل
د.زينب الفيومي
0 التعليقات :
إرسال تعليق