ممكن تتكلم و تدافع عن نفسك و تجيب حقك بايدك
و ممكن ترد علي الإساءة باكتر منها ، و ترد علي الشتيمة بشتايم ..
و ممكن تعاتب و تحاسب و تعاقب، و تخش في معارك و تكسبها..
كل ده من حقك ..
لكن جرب تسكت و تسيب ربنا هو اللي يجيبه لك .. جرب ما تردش و ما تهاجمش و ما تتخانقش و اتفرج..
اتفرج علي ربنا و هو بيرد لك مقامك و يجيب لك حقك ..
اتفرج علي عدل ربنا و هو بيسيب اعداءك علي نفسهم و يقلبهم علي بعض والقدر يصفي الحسابات كلها !!
جرب بس تسكت و تسيب ربنا يدافع عنك ، و عدالة ربنا تجيبلك لك حقك، و تخرس السنة مقاوميك ، و تبطل شرهم ، و توقعهم في شر اعمالهم و تدوقهم مرار اللي عملوه فيك ..
سكوتك هو الباب الذهبي لدخول القدر الرباني يجبلك حقك لحد عندك ويصفي الحسابات من كل حد اذك و ظلمك وكسرك !!
خافوا من ولاد الناس المتربين لما يسكتوا و يسلموا حقوقهم لعدالة ربنا الصارمة !!
فيه ناس كتير .. اما بتتوجع بتفكر ف الانتقام و ازاي ترد الوجع بس مع ان ف حل اسهل كتير انك تمشي
اه امشي متحاولش تاخد حقك لأنك ساعتها هتبقى غضبان ... و الغضب غبي و أعمى و قليل الحيلة و كل متحاول تعمل حاجة هتلاقي نفسك بتغرق ف طين .. هتلاقي نفسك مبتشبعش و الأذية مش هتعوضك زعلك هتفضل مقهور ع نفسك سيب كل حاجة و امشي امشي زي ولاد الناس. امشي و استعوض ربنا في اللي فات
حول مخزون الغضب ليك لبداية بداية نجاح .بداية تغيير بداية سعادة انتقم بالنسيان و السعادة
و ع فكره حقك اللي أنت سبته و مشيت هيجيلك على حياة عينك بشياكة هيجيلك بعد ما تكون هديت و نسيت و خفيت هيجيلك و حتسمع و تشوف ... و هتبتسم و هتكمل
مفيش "انتقام" فيه "عداله السما" و دروس مستفادة
متضيعش وقتك ابتدي و عيش !!
0 التعليقات :
إرسال تعليق