للأسف انتشرت ظاهره جديده بين النساء المتزوجات والرجال وهي (الفضفضه) وطبعآ الفضفضه دي مع الوقت بتتحول لاحساس حلو وبعدها بأرتياح وبعدها بطبطبه وبعدها وقعنا في الحب. كل واحده مضايقه من جوزها متخانقه معاه تروح لزميلها او صديقها ايآ كان المسمى وتحكيله عن كل ما يخصها ويخص جوزها كل واحده مفتقده احساس معين من جوزها تروح تدور عليه برا تحت مبرر ان الاهتمام مبيطلبش! والحقيقه انا هنا
عندي سؤال هل معنى أن جوزي مبقاش زي فترة الخطوبه ومش بيقولي كلام حلو انا اروح ادور على الكلام الحلو ده برا؟ أظن أن الأفضل اروح اتناقش معاه واحاول واعافر عشان علاقتنا تنجح وتكون افضل من ألاول بدل ما أخون والفكره في الخيانه انك مش بس بتخوني شخص استأمنك على أسمه انتي بتخوني علاقتك بربك لأنك بترتكبي ذنب كبير بتخوني أهلك اللي تعبه في تربيتك.. الاهتمام هو احتياجك لاحساس معين من زوجك روحي اطلبيه منه أفضل بكتير من انك تفتحي باب للشيطان يدخل منه طرف تالت وتصبحي في الأخر زوجه خاينه...
0 التعليقات :
إرسال تعليق