فيروس كورونا المرض اللي الكل خايف منه ومرعوب منه ومستخبي في بيته وخايف ينزل من البيت ليصاب بالكورونا لما انتوا خايفين أوي كده من المرض طب ليه من الاول قبل ما تخافوا من مرض بأمر الله عز وجل كنتوا ترجعوا لربنا وتخافوا منه وتتقوه ربنا أصاب العالم أجمع بمرض الكورونا علشان الكل يفوق من الغفله اللي بقينا فيها نسينا ان في رب كريم واجهوا نفسكوا بالحقيقه ليه ربنا بعت المرض ده وفي التوقيت ده ومرض زي ده يستدعي انك تكون لوحدك في حجر صحي اللي مريض يفكر كويس وهو في الحجر الصحي انه لوحده ممنوع يشوف اي حد من اهله او اصدقائه واللي مش مريض وملتزم بالبيت يحط نفسه لقدر الله انه في حجر لوحده وما بيشفش حد طيب طبعا مستحيل نشبه الحجر الصحي بوحشه القبر بس تخيلوا يوم ما البني أدم بيموت وينزل اول يوم القبر لوحده والكل يدعيله يارب هون عليه النهارده الليله دي ربنا مش طالب مننا غير نطيعه ونصلي الخمس فروض اللي ربنا فرضهم علينا ونصوم ونزكي ونحب بعض وما نجبش سيرة بعض غير بالخير كتير علي ربنا اننا نسجدله كتير علي ربنا اننا نحبه ونتبع سنه نبيه محمد صلي الله عليه وسلم الناس زادت فجور ونسيوا ان في رب راجعين ليه يحيي ويميت حاسبوا انفسكم ما تخلوش مرض زي مرض الكورونا هو اللي يخليكوا تحاسبوا نفسكم ارجعوا لربنا وأسالوا نفسكم ليه ربنا قفل المساجد اللي هي باب للتوبه والرحمه والمغفرة والرجوع اليه شوفوا السعودية كان بيحصل فيها ايه في الفترة الاخيرة والحفلات اللي كانت بتقام بجانب الحرم وصل بينا الاستهزاء للدرجه دي ومش عايزين في الاخر ربنا يقعدنا في بيتنا ويبقي الراجل والست زي بعض لعده اسباب ان ربنا يخلي كل راجل يحس أد ايه مراته بتتعب في البيت ونظافته وتربيه الاولاد وهو بيبقي عايز يرجع من الشغل يلاقيها علي سنجة عشرة شوف بعض كل اللي انت شفته هي بتعمله من شغل البيت والاولاد تقدر فعلا تهتم وتبقي زي ما انت عايز تشوفها دايمان زي اول يوم زواج والست برضه دلوقتي لما مصروف البيت قل تعرف قيمه جوزها وانه كان بيتعب أد ايه علشانها هي والاولاد الزو ج علطول كان قاعد في القهوة علشان مش عايز يقعد مع مراته والزوجه عايزة جوزها ينزل من البيت علشان تعرف تنم مع صحابتها دلوقتي الكل قعد غصب عنه علشان روح المودة والمحبة والجو الاسري يرجع زي زمان ياريت بعد الحظر ما ينتهي والغمه دي تزول ما ننساش اللي كنا فيه والشعارات اللي كنا بنقولها وبنعملها والبوستات الدينيه اللي كنا علطول بنشيرها وكل واحد فينا يبعت لصحبه او صحبته ارجوك النهاردة اختارتك انت علشان تصلي علي النبي معايا ياريت نفضل كده علطول بعد ما المرض ده ينتهي بأذن الله لاني ربنا زي ما بعت مرض الكورونا قادر يبعت اكتر من كده وربنا يحفظنا جميعا ويرجعنا لصوابنا
0 التعليقات :
إرسال تعليق