عم يابتاع البيكيا شوف معاك أخلاق قديمة من زمان منسية.لسان نضيف ميطلعشي العيبةدائما ناطق بالإمتنان...كله شكر وحمد للرحمن...ناس وفية وطيبة تحب الخير لبعضها.لاتنهش لحم بعضها ولاتغدر بالأحباب.ناس نقية دايما منضفة قلبها.تسعى لرزقها وتحمد ربها .مش تنكش ورا غيرها عشان تعلى على عضمها ..ناس تحب لك الخير والنجاح زي مابتحبه لنفسها.تعبنا يابتاع البيكيا من نفوس متغيرة بقا كل همها في الدنيا تدوس على غيرها.الجار كان سند لجاره في المحن والافراح وكأنه من دمه من يوم ما فتح عينه للدنيا. والأخ كان أخ على التفاني ياولداه بيدي أخوه على ذاته ويقول أخويا هو حياتي.ناس إتبدلت وإتقلب حالهاواعتبرت أخلاقها موضة قديمة مينفعش تكون غير بيكيا..محتاجين حبة ياعم لحسن إتهرينا غدر وهم. عم يابتاع البيكيا شوفلي معاك شوية شهامة وجدعنة ولادالبلد اللي ميقبلوش يسمعوا كلمة على بنت حتتهم مش هما اللي يقطعوا في جتتها. شوفلي معاك قلوب عمرانة وعيون شبعانة تبارك فرحك وتفرحلك مش يملاها الغل والحسد عنوانها. أخلاق زمان بقت موضة قديمة وجار عليها الزمان .بيكيا ولاليها قيمة مع إنها كنز الحياة بقوا يتكسفوا يتعاملوا بيها ونسيوا إنهاأخلاق الأنبياء أمرنا بيها الرحمن في كل الأديان. عم يابتاع البيكيا رجعلنا أخلاق زمان عاوزين نعيش في حبة أمان مع قلوب صافية تحبنا بصدق مش مجرد ضحكة للكاميرا وفي ضهرك سكاكين مترشقة..عودة لأخلاقنا الحميدة
زينب فتحي
عم يابتاع البيكيا شوف معاك أخلاق قديمة من زمان منسية.لسان نضيف ميطلعشي العيبةدائما ناطق بالإمتنان...كله شكر وحمد للرحمن...ناس وفية وطيبة تحب الخير لبعضها.لاتنهش لحم بعضها ولاتغدر بالأحباب.ناس نقية دايما منضفة قلبها.تسعى لرزقها وتحمد ربها .مش تنكش ورا غيرها عشان تعلى على عضمها ..ناس تحب لك الخير والنجاح زي مابتحبه لنفسها.تعبنا يابتاع البيكيا من نفوس متغيرة بقا كل همها في الدنيا تدوس على غيرها.الجار كان سند لجاره في المحن والافراح وكأنه من دمه من يوم ما فتح عينه للدنيا. والأخ كان أخ على التفاني ياولداه بيدي أخوه على ذاته ويقول أخويا هو حياتي.ناس إتبدلت وإتقلب حالهاواعتبرت أخلاقها موضة قديمة مينفعش تكون غير بيكيا..محتاجين حبة ياعم لحسن إتهرينا غدر وهم. عم يابتاع البيكيا شوفلي معاك شوية شهامة وجدعنة ولادالبلد اللي ميقبلوش يسمعوا كلمة على بنت حتتهم مش هما اللي يقطعوا في جتتها. شوفلي معاك قلوب عمرانة وعيون شبعانة تبارك فرحك وتفرحلك مش يملاها الغل والحسد عنوانها. أخلاق زمان بقت موضة قديمة وجار عليها الزمان .بيكيا ولاليها قيمة مع إنها كنز الحياة بقوا يتكسفوا يتعاملوا بيها ونسيوا إنهاأخلاق الأنبياء أمرنا بيها الرحمن في كل الأديان. عم يابتاع البيكيا رجعلنا أخلاق زمان عاوزين نعيش في حبة أمان مع قلوب صافية تحبنا بصدق مش مجرد ضحكة للكاميرا وفي ضهرك سكاكين مترشقة..عودة لأخلاقنا الحميدة
0 التعليقات :
إرسال تعليق